Bu gün Müsavat Partiyası Divanının 2015-ci ildə son iclası keçirildi.

Bu gün Müsavat Partiyası Divanının növbəti iclası keçirilib.

Qərarların icrası və görülən işlər barədə verilən məlumatlar dinlənilib.

Divanda partiyanın son Məclisinin işgüzar şəraitdə keçirildiyi partiya rəhbərliyi və bəzi komissiya sədrlərinin hesabatı yüksək qiymətləndirilib.

Milli Strateji Düşüncə Mərkəzinin sədri İsa Qəmbərin rəhbərliyi ilə “Milli kimlik: Urmu nəzəriyyəsi” mövzusunda keçirilən konfrans barədə fikir mübadiləsi aparılıb.

İclasda siyasi məhbuslarla bağlı keçirilən Dəyirmi Masanın təşkil edilməsi gözlənilən əfv fərmanı ərəfəsində təqdirəlayiq hesab olunub.

Yığıncaqda 31 dekabr Dünya Azərbaycanlılarının Həmrəyliyi günü münasibətilə həmin gün saat 12.00-da Fəxri Xiyabanda Əbülfəz Elçibəyin məzarının ziyarət olunması qərara alınıb.

Müsavat Partiyasının Şərqdə ilk demokratik Respublikanın qurucusu olan M. Ə. Rəsulzadəni təhqir etmiş Gəncədən olan deputata qarşı şərəf və ləyaqətin müdafiəsi ilə əlaqədar müraciətinə 14 yanvar 2016-cı il saat 10.00-da Gəncə şəhəri Nizami rayon Məhkəməsində hazırlıq iclası olacağı barədə məlumat verilib.

Sonda cari məsələlərə baxılıb.

28 dekabr 2015-ci il