Hasarlamadan ağaclamaya.

Sabirabadda hasarlama əməliyyatı uğurla başa çatmışdır. Xeyli sayda karxana sahibi bu əməliyatdan yaxşı qazanc götürdüyündən hasarlanmış Sabirabad camaatı onların əvəzinə sevindiyindən dombalaq aşır. Bəzi sevincək müəllimlər dombalaq aşmağa necə aludə olublarsa gedib bankomatdan sentyabr ayının maaşın almağı unudublar. Amma İlham Əliyev bu sevincək insanların, harın məmurların kefini xeyli qaldırıb. O hasarları bəyənməməklə yeni yeyinti imkanları yaradıb. Bu da nəticəsi. Hasarlama bitdi, ağaclama başladı. Ağaclama bitsin qatıqlama da olacaq. İnanmırsız İlhamdan soruşun, amma imkan verməyin yavashlasın ...

 

Kolxozun professoru

Görəsən Siyavuş Novruzova professor adı verən, sənədinə imza atan şəxsin həmin anda vicdanı sızladımı? Yoxsa elə o da Siyavuşun tayıdı?
Adam müsahibə verib seçkilər barədə. Sitat:“Yaxşı olar ki, İsa Qəmbər və Əli Kərimli özlərini bələdiyyə seçkilərində sınasınlar”...
Guya müxalifət liderlərini aşağılayımış. Amma bu bir cümlədə nə qədər badanlıq və hakimiyyət mənsublarının əlehinə işləyən amil var.

 Adam qanmır ki, bu ifadəsi ilə bələdiyyələrin faktiki olaraq oyuncaq bir qurum olduğunu şərh edir. Adam qanmır ki, bələdiyyə idarəçilik sistemi mövcud olan bütün ölkələrdə bu seçkili orqan çox mühüm əhəmiyyətlidir və quruculuq işlərinin əsasın təşkil edir.
Qurama bələdiyyədə işləməyə layiq olmayan biri professor və deputat olanda belə olar də.

Deputatcıqlar

Saxta deputat Elmira Axundova hər yeni gələn İcra Başçısının H. Əliyev mərkəzini söküb yenisini tikməsi barədə danışdıqda, haşiyə olaraq "məni bağışlayın" ifadəsini işlətdi. Sanki küfr etmiş kimi. Manqurt insanlar HƏ-yə aid olan nəinsə sökülməsindən belə qorxu ilə, vəhşətlə danışırlar. Insanlar;n insan qorxusu dindarlarda Allah, dinsizlərdə vicdan qorxusunu yenərək anormal vəziyyət yaratmışdır. Tənqidi belə normal edə bilmir saxta Parlament mənsubları. Bədbəxtlər...

Videoçarxa görə Həbib Müntəzirə təşəkkürlər...